पिंपरी मतदारसंघात झोपडपट्टीतील मतदारांना विकत घेण्याचा प्रयत्न; माजी नगरसेविका सीमा सावळे यांचा प्रताप

त्यानंतर सीमा सावळे या पिंपरी-चिंचवडच्या राजकारणात सक्रिय झाल्या. सध्या शहरातील काही बिल्डर आणि ठेकेदारांच्या प्रतिनिधी म्हणून सीमा सावळे यांना राजकीय वर्तुळात ओळखले जात आहे. त्यांनी पिंपरी विधानसभा मतदारसंघात निवडणुकीची तयारी सुरू केली आहे. हा मतदारसंघ अनुसूचित जातीसाठी राखीव आहे. या मतदारसंघात अनेक झोपडपट्ट्या आहेत. त्यामुळे या झोपडपट्टीतील गोरगरीब मतदारांना पैसे वाटले, वस्तू वाटले की आपण आमदार होऊ, असे स्वप्न सीमा सावळे पाहत असल्याचे चित्र आहे. त्यासाठी त्यांनी या मतदारसंघातील गोरगरीबांपर्यंत पोहोचण्यासाठी स्वतःच्या स्वभावाप्रमाणे भ्रष्ट नितीचाच अवलंब केला आहे. त्यांनी गेल्या काही दिवसांपासून पिंपरी विधानसभा मतदारसंघातील विविध झोपडपट्ट्यांमध्ये राहणाऱ्या गोरगरीब नागरिकांना साडी आणि  शर्ट व पॅन्ट पीस वाटपाचा धडाका लावला आहे. मतदारसंघातील गोरगरीब मतदारांना निवडणूक जाहीर होण्याआधीपासूनच सीमा सावळे यांनी प्रलोभन दाखवायला सुरूवात केली आहे.

मात्र सीमा सावळे यांनी वाटलेल्या साड्याआणि शर्ट व पॅन्ट पीस निकृष्ट दर्जाचे असल्याचे आता हे गोरगरीब नागरीक बोलू लागले आहेत. धक्कादायक बाब म्हणजे सीमा सावळे यांनी झोपडपट्ट्यांमधील गोरगरीब महिलांना वाटलेल्या साड्या या पाच वर्षापूर्वी दर्यापूर विधानसभा मतदारसंघाच्या निवडणुकीसाठी आणलेल्या साड्या असल्याचे सांगितले जात आहे. या साड्या आणि शर्ट व पॅन्ट पीस हातात पडताच त्याच्या दर्जावरून गोरगरीब झोपडीधारक सीमा सावळे यांना अक्षरशः शिव्यांची लाखोली वाहत आहेत. गांधीनगर झोपडपट्टीत साड्या वाटपासाठी गेलेल्या सीमा सावळे यांना काही साड्यांच्या वाटपानंतर तेथील महिलांनी त्यांना हाकलून दिल्याचे प्रत्यक्षदर्शींनी सांगितले. तसेच लांडेवाडी झोपडट्टीतील ज्येष्ठ महिलांनी सीमा सावळे यांना शिव्या देऊन परत इकडे येऊ नको, अशी तंबी दिल्याचे सांगितले जात आहे.

निवडणुकीआधीच गोरगरीब मतदारांना विकत घेण्याच्या सीमा सावळे यांच्या या प्रयत्नाबद्दल मतदारसंघात संताप व्यक्त होत आहे. त्यांनी पिंपरी-चिंचवड महापालिकेत २०० ते ३०० कोटींचा घोटाळा केल्याचा आरोप विरोधक करीत आहेत. एवढा भ्रष्टाचार करूनही गोरगरीब महिलांना किमान चांगल्या दर्जाच्या साड्या वाटप करण्याची सुद्धा दानत त्यांच्यात नसल्याची चर्चा मतदारसंघात आहे. झोपडपट्टीत राहत असलो तरी आम्ही काय भिकारी आहोत काय?, असे भीक देऊन आमदार होण्याचे स्वप्न सीमा सावळे यांना पडत असेल, तर आता त्यांनी कोणत्याही राजकीय पक्षाकडून निवडणूक लढवावी झोपडपट्टीतील स्वाभिमानी मतदार त्यांचे डिपॉझीट जप्त करेल, अशी प्रतिक्रिया झोपडपट्टीतील मतदार व्यक्त करत आहेत. सीमा सावळे यांना कोणता राजकीय पक्ष उमेदवारी देतो याकडे या झोपडीधारकांचे लक्ष लागले आहे. सीमा सावळे यांच्या अशा भ्रष्ट कारभारामुळे विधानसभा निवडणुकीत जो राजकीय पक्ष त्यांना उमेदवारी देईल, त्या राजकीय पक्षाला केवळ पिंपरी विधानसभा मतदारसंघातच नाही, तर चिंचवड आणि भोसरी विधानसभा मतदारसंघातही मोठी किंमत मोजावी लागेल, अशी राजकीय परिस्थिती निर्माण झाली आहे.