बॅनर न्यूज
चिंचवड मतदारसंघासाठी शंकर जगताप, तर भोसरीत महेश लांडगे यांना भाजपची उमेदवारी जाहीर
पिंपरी : विधानसभा निवडणुकीसाठी भारतीय जनता पार्टीने ९९ उमेदवारांची पहिली यादी जाहीर केली आहे. त्यामध्ये चिंचवड विधानसभा मतदारसंघातून भाजप शहराध्यक्ष शंकर जगताप, तर भोसरी विधानसभा मतदारसंघातून विद्यमान आमदार महेश लांडगे यांना उमेदवारी जाहीर करण्यात आली आहे.
विधानसभा निवडणुकीसाठी मंगळवारी २२ ऑक्टोबरपासून उमेवारी अर्ज भरण्यास सुरूवात होणार आहे. त्यानुसार भाजपने आपली पहिली यादी जाहीर केली आहे. त्यामध्ये चिंचवड आणि भोसरी विधानसभा मतदारसंघाचाही समावेश आहे. चिंचवड विधानसभा मतदारसंघातून शंकर जगताप, तर भोसरी विधानसभा मतदारसंघातून महेश लांडगे यांना उमेदवारी देण्यात आली आहे. आता या मतदारसंघात महाविकास आघाडीकडून कोणाला उमेदवारी दिली जाते याकडे सर्वांचे लक्ष लागले आहे.
