कुत्र्याच्या नसबंदीत देखील पैसे खाणाऱ्यांच्या हातात पिंपरी-चिंचवडची सूत्रे द्यायची आहेत का?

विरोधकांमध्ये व्हिजन असणारा कोणीही नाही. महापालिकेत भोंगळ कारभार, भ्रष्टाचार, रिंग सुरू आहे. महापालिकेची कामे बगलबच्चे आणि भावंडांना दिली जातात. त्यामुळे महापालिका कर्जबाजारी झाली आहे. चार हजार कोटींची बिले देणे बाकी आहे. गेल्या ९ वर्षात चांगल्या शहराला गालबोट लावण्याचा काम झाले आहे. अशांना खड्यासारखे बाजूला करा. भाजपने पिंपरी-चिंचवड शहराला ९ वर्षे दृष्ट लावण्याचे काम केले आहे. मी अनेकांना संधी देऊन नगरसेवक, महापौर, स्थायी समिती अध्यक्षपद दिले. तरीही काही लोक सोडून गेले. मी माहिती घेतल्यानंतर आर्थिक अडचणीत सापडल्याचे सांगून हे शहाणे तिकडे गेल्याच कळले. यांची घरेदारे भरण्यासाठी हे तिकडे गेले आहेत. भाजपने ९ वर्ष मागच्या लुटून खाल्ले. प्रत्यक्षात कामे न करताच बिले काढली जातात. यांना जनाची नाही मनाची सुद्धा काही वाटत नाही. यांनी ९ वर्षात फक्त भ्रष्टाचार करणे एवढाच कार्यक्रम केला. यांच्या दादागिरीमुळे, दंडेलशाहीमुळे महापालिकेच्या काही अधिकाऱ्यांनी नोकरी सोडली. त्यामुळे २०१७ ला झालेल्या चुकीची पुनरावृत्ती आता होऊ देऊ नका, असे आवाहन त्यांनी पिंपरी-चिंचवडकरांना केले.