गाफील न राहता विधानसभा विजयासाठी आजपासूनच कामाला लागा – खासदार मेधा कुलकर्णी

पिंपरी : भाजपाला थांबविण्यासाठी विरोधकांकडून जोरदार ताकद लावली जात आहे, सर्वाधिक वेळा काँग्रेसच्या काळात संविधानात बदल झाले. वक्फ बोर्डाला सर्वाधिक पॉवर देण्याचा शेवटचा बदल काँग्रेसने २०१३ साली केला. संविधान बदलण्याची भाषा वापरून काँग्रेस फेक नरेटिव्ह पसरविण्याचे काम करीत आहे, त्यांना त्याच ताकदीने उत्तर देण्याची गरज आहे. त्यामुळे पुढील दोन तीन महिन्यांच्या कालावधीत गाफीत न राहता जिद्दीने ‍निवडणुका जिंकण्यासाठी कामाला लागा, असे आवाहन राज्यसभा खासदार प्रा. डॉ. मेधा कुलकर्णी यांनी शुक्रवारी केले.

आगामी विधानसभा निवडणुकीत पिंपरी-चिंचवडमधील तीनही मतदारसंघात महायुतीच्या विजयासाठी मंथन करण्याकरिता पिंपरी-चिंचवड भाजपच्या वतीने विस्तारित जिल्हा कार्यकारिणी अधिवेशन आज चिंचवड येथील प्रा. रामकृष्ण मोरे प्रेक्षागृहात पार पडला. भाजप शहराध्यक्ष शंकर जगताप अधिवेशनाच्या अध्यक्षस्थानी होते. त्यावेळी उपस्थित जिल्हा पदाधिकारी – मंडल अध्यक्ष, बुथ प्रमुख यांना मार्गदर्शन करतात त्या बोलत होत्या.

यावेळी भाजपचे पश्चिम महाराष्ट्र मकरंद देशपांडे, प्रदेश उपाध्यक्ष अमर साबळे, आमदार उमा खापरे, आमदार महेश लांडगे, अश्विनी जगताप, भापयुमोचे प्रदेशाध्यक्ष अनुप मोरे, माजी महापौर उषा उर्फ माई ढोरे, सदाशिव खाडे, राहूल जाधव, राजेश पिल्ले, नामदेव ढाके, विलास मडेगिरी, संजय मंगोडेकर, अजय पाताडे, शितल शिंदे, शैला मोळक, राजू दुर्गे, काळूराम बारणे, विकास डोळस, सुजाता पालांडे, तुषार हिंगे, राजेंद्र राजापूरे, सोमनाथ भोंडवे, संदिप नखाते, प्रसाद कस्पटे, राजेंद्र बाबर, निलेश अष्टेकर, संतोष तापकीर, रामदास कुटे यांच्यासह भाजपाचे प्रदेश पदाधिकारी, माजी नगरसेवक – नगरसेविका, जिल्हा पदाधिकारी, सर्व मोर्चा, आघाडी, प्रकोष्ठ प्रमुख, मंडल अध्यक्ष, मंडल पदाधिकारी, शक्तिकेंद्र प्रमुख, बुथ प्रमुख व कार्यकर्ते उपस्थित होते.

अधिवेशनाचे प्रास्ताविक शहराध्यक्ष शंकर जगताप यांनी केले. नुकत्याच झालेल्या लोकसभा निवडणुकीचा आढावा मांडताना पिंपरी, चिंचवड आणि भोसरी विधानसभा कार्यक्षेत्रात भारतीय जनता पक्षाची ताकद वाढली असून, आगामी विधानसभा ‍निवडणूकीतही पक्षाची संपूर्ण ताकद पणाला लावून महायुतीच्या तीनही उमेदवारांना विजयी करणार असल्याचा संकल्प त्यांनी यावेळी व्यक्त् केला. महिला सबलीकरणासाठी महायुती सरकारने योजना आखल्या आहेत. मुख्यमंत्री लाडकी ‍ बहिण योजनेसाठी १ कोटी ३३ लाख महिला भगिनी योजनेस पात्र ठरल्या आहेत. पिंपरी चिंचवड शहरातून या योजनेसाठी सर्वाधिक अर्ज भरण्यात आले आहे. महिला भगिनींसाठी महायुती सरकारने आणलेल्या लाभाच्या योजना बंद करण्याचा काँग्रेसचा डाव आहे. अभ्यास न करताच विरोधक बोलतात आणि महायुतीच्या योजनांवर आपले स्ट्रीकर लावतात. विरोधकांकडून सूरू असलेल्या निगेटीव्ह नरेटिव्हला प्रत्येकाने उत्तर देण्याचे आवाहन त्यांनी यावेळी केले.

कार्यक्रमाचे सूत्रसंचालन संजय मंगोडेकर, अजय पाताडे यांनी केले. आभार राजू दुर्गे यांनी मानले.