बॅनर न्यूज
पिंपरी-चिंचवडमधील तीनही विधानसभा मतदारसंघ राष्ट्रवादी काँग्रेस शरद पवार गटाने लढवाव्यात; पक्षाच्या शहर कार्यकारणीचा ठराव
पिंपरी : राष्ट्रवादी काँग्रेस शरद पवार गट पिंपरी-चिंचवडमधील तीनही विधानसभा मतदारसंघ लढविण्यासाठी उत्सुक आहे. शहरात शरद पवार यांना मानणारा मतदार मोठ्या प्रमाणात आहे. त्यामुळे शहरातील तीनही मतदारसंघात पक्षाचे उमेदवार विजयी होऊ शकतात. पक्षाचे शहराध्यक्ष तुषार कामठे यांच्या नेतृत्वाखाली संघटना मजबूत बनली आहे. त्यामुळे शहरातील तीनही मतदारसंघ राष्ट्रवादी काँग्रेस शरद पवार गटाने लढाव्यात आणि निष्ठावंतांना प्राधान्याने उमेदवारी देण्यात यावी, असा ठराव पक्षाच्या बैठकीत करण्यात आला आहे.
राष्ट्रवादी काँग्रेस शरद पवार पक्षाचे सर्व प्रमुख पदाधिकारी, सर्व सेल व फ्रंटल प्रमुख, पिंपरी, चिंचवड आणि भोसरी विधानसभा मतदारसंघातील पदाधिकारी व कार्यकर्ते यांनी एकमताने हा ठराव मंजूर केला आहे. हा ठराव पक्षाचे राष्ट्रीय अध्यक्ष शरद पवार, प्रदेशाध्यक्ष जयंत पाटील आणि पक्ष संसदीय मंडळाकडे देण्यात येणार आहे. यावेळी पक्षाचे प्रदेश सचिव प्रशांत सपकाळ, कार्याध्यक्ष देवेंद्र तायडे, कार्याध्यक्ष विशाल काळभोर, कार्याध्यक्ष संतोष कवडे, वरिष्ठ उपाध्यक्ष काशिनाथ जगताप, धम्मराज साळवे, चिंचवड विधानसभा अध्यक्ष सागर चिंचवडे, भोसरी विधानसभा अध्यक्ष ज्ञानेश आल्हाट, युवक अध्यक्ष इम्रान शेख, महिला आघाडी शहराध्यक्षा ज्योती निंबाळकर, विद्यार्थी आघाडी शहराध्यक्ष राहुल आहेर, सेवादलाचे शहराध्यक्ष अरुण थोपटे, ओबीसी विभागाचे शहराध्यक्ष विशाल जाधव , सामाजिक व न्याय विभाग अध्यक्ष मयूर जाधव, अल्पसंख्यांक विभाग अध्यक्ष अल्ताफ शेख, ख्रिश्चन सेल अध्यक्ष शाऊल कांबळे, व्यापारी व उद्योग आघाडी अध्यक्ष विजयकुमार पिरंगुटे, वैद्यकीय सेल अध्यक्ष डॉ. सुनिल चव्हाण, आयटी सेल अध्यक्ष राहुल गोडसे, लीगल सेल अध्यक्ष ऍड. संतोष शिंदे, झोपडपट्टी सेल अध्यक्ष गणेश काळे, सरचिटणीस कैलास बनसोडे, सचिव अधिकराव चव्हाण, असंघटिक घरेलू कामगार अध्यक्ष वंदना आराख, ग्राहक संरक्षण समिती अध्यक्ष संजय पडवळ आधी उपस्थित होते.
शहराध्यक्ष तुषार कामठे म्हणाले, “राष्ट्रवादी काँग्रेस पक्षात फूट पडल्यानंतर अडचणीच्या काळात जे न डगमगता पक्षासाठी प्रामाणिकपणे शरद पवार यांच्याबरोबर राहिले त्यांचाच प्रथम प्राधान्याने विचार पक्ष करेल. यापुढच्या निवडणुकांमध्ये निष्ठावंत उमेदवाराला नक्कीच संधी मिळेल आणि तो विजयी होईल याची आम्हाला शास्वती आहे. पक्ष संघटनेची संपूर्ण ताकद उमेदवाराला विजयी करण्यासाठी कार्यरत राहील. शहरातील तीनही मतदार संघ राष्ट्रवादी काँग्रेस पार्टी – शरदचंद्र पवार पक्षाकडे असावे ही आमची आग्रही मागणी असल्याचे त्यांनी सांगितले.”
युवक शहराध्यक्ष इम्रान शेख म्हणाले, “शरद पवार हे दूरदृष्टीचे नेते असून ते नक्कीच आम्हा निष्ठावंतांना न्याय देतील. शहराध्यक्ष तुषार कामठे हे आमच्या पक्ष संघटनेचे पालक असून त्यांचे मार्गदर्शन आम्हाला आहे. पक्षातील आघाडी, सेल त्यांच्या पाठीशी ताकदीने उभे आहोत.”
महिला अध्यक्षा ज्योती निंबाळकर म्हणाल्या, ” राष्ट्रवादी काँग्रेस पार्टी शरदचंद्र पवार पक्षाच्या माध्यमातून निष्ठावंतांना उमेदवारी मिळावी. ठरावानुसार ज्या उमेदवाराला संधी मिळेल त्यांच्या पाठीशी संघटनेतील सर्व पदाधिकारी व कार्यकर्ते उभे राहतील. शहराध्यक्ष तुषार कामठे यांच्या नेतृत्वात पूर्ण ताकदीने काम करू.”
