महापालिका निवडणुकीसाठी २० किंवा २२ डिसेंबरला आचारसंहिता

आगामी महापालिका निवडणुकीच्या पार्श्वभूमीवर चंद्रकांत पाटील यांनी पिंपरी-चिंचवडमधील पदाधिकाऱ्यांची बैठक घेतली. ही बैठक पिंपळेसौदागर येथे झाली. शहराध्यक्ष शत्रुघ्न काटे, महापालिका निवडणूक प्रमुख आमदार शंकर जगताप यांच्यासह पक्षाचे सर्व प्रमुख नेते व पदाधिकारी उपस्थित होते.

चंद्रकांत पाटील म्हणाले, एका खासगी संस्थेच्या माध्यमातून इच्छुक उमेदवारांचा सर्व्हे केला जाईल. सर्व्हेच्या आधारे कोणाचे नाव पुढे आहे, त्यानुसार क्रमांक टाकले जातील. पूर्णपणे सर्व्हेच्या आधारे उमेदवारीचा निर्णय केला जाणार नाही, तर केवळ आधार मानले जाणार असल्याचे त्यांनी सांगितले.