प्रभाग क्रमांक १२ मध्ये मशालच्या अमोल भालेकर यांच्या प्रचाराची हवा 

प्रभाग क्रमांक १२, तळवडे गावठाण-रुपीनगर-त्रिवेणीनगरमध्ये रस्त्यांची दयनीय अवस्था, कायमस्वरूपी पाणीटंचाई, तुंबलेली ड्रेनेज व्यवस्था, कचऱ्याचा प्रश्न आणि दुर्लक्षित नागरी सुविधा, शिक्षणाचा बोजवारा या प्रत्येक मुद्द्यावर मशाल चिन्हावर लढणारे अमोल भालेकर यांनी प्रभागातील रुपीनगरमधील नागरिकांसमोर माजी नगरसेवकांचा आणि सत्ताधाऱ्यांचा ‘विकास फोल ठरल्याचा’ हिशेब मांडला. “सत्ता मिळाली, पण प्रभाग विसरला” असा थेट आरोप करत त्यांनी प्रचाराला आक्रमक धार दिली.

अमोल भालेकर यांच्यासोबत घरोघरी झालेल्या संवादात नागरिकांनीही आपली नाराजी उघडपणे व्यक्त केली. रुपीनगरच्या कानाकोपऱ्यात माजी नगरसेवक आणि सत्ताधाऱ्यांविरोधातील संताप मशालच्या प्रचारातून बाहेर पडताना दिसला, तर अमोल भालेकर यांच्या स्पष्ट, निर्भीड भूमिकेला मोठा प्रतिसाद मिळताना दिसत आहे. तरुण, महिला आणि ज्येष्ठ नागरिक यांचा वाढता पाठिंबा पाहता रुपीनगरमध्ये सत्ता बदलाची ठिणगी पेटल्याचे संकेत मिळत आहेत. विरोधकांची कामगिरी कागदावरच मर्यादित असल्याचा दावा करत, अमोल भालेकरांनी “यावेळी प्रश्न विचारणारा नगरसेवक हवा” असा स्पष्ट संदेश दिला आहे.

एकूणच, रुपीनगरमध्ये घरोघरी पोहोचलेली मशाल म्हणजे सत्ताधाऱ्यांच्या अपयशावरचा थेट वार ठरत असून, प्रभाग क्रमांक १२ मध्ये ही लढत आता शांत न राहता आक्रमक आणि निर्णायक वळणावर आली आहे.